सिंधुदुर्गात लवकरच
पंचतारांकित हॉटेल
मुंबई ः सिंधुदुर्ग जिल्ह्यातील शिरोडा–वेळाघर येथे इंडियन हॉटेल कंपनी लिमिटेडमार्फत उभारण्यात येणाऱ्या पहिल्या पंचतारांकित हॉटेल प्रकल्पास गती देण्यासाठी नुकतीच बैठक झाली. पर्यटन मंत्री शंभूराज देसाई यांच्या अध्यक्षतेत मुंबईत झालेल्या या बैठकीत अनेक वर्षांपासून रखडलेल्या या प्रकल्पाच्या भूसंपादन, मोबदला, करार प्रक्रिया तसेच स्थानिक ग्रामस्थांच्या विविध मागण्यांवर चर्चा करण्यात आली. यावेळी मत्स्य व बंदरे मंत्री तथा पालकमंत्री नितेश राणे, आमदार दीपक केसरकर, पर्यटन विभागाचे प्रधान सचिव संजय खंदारे, महाराष्ट्र पर्यटन विकास महामंडळाचे व्यवस्थापकीय संचालक निलेश गटणे, उपसचिव विजय पोवार, इंडियन हॉटेल कंपनी लिमिटेडचे वरिष्ठ अधिकारी तसेच स्थानिक ग्रामस्थ उपस्थित होते