१ हजार २९४ नामनिर्देशन अर्जांचे वितरण
सकाळ वृत्तसेवा
मुंबई ता. २७ : मुंबई महापालिका निवडणुकीसाठी शनिवारी (ता.२७) १ हजार २९४ नामनिर्देशन अर्जांचे वितरण करण्यात आले आहे. तर, ३५ उमेदवारी अर्ज दाखल झाले आहेत, अशी माहिती प्रशासनाने दिली. यामध्‍ये उमेदवारांना नामनिर्देशन पत्रे देण्यास मंगळवार, २३ डिसेंबरपासून सुरुवात झाली आहे. या दिवशी एकूण ४ हजार १६५ नामनिर्देशन अर्जांचे; बुधवारी २ हजार ८४४ नामनिर्देशन अर्जांचे तर, शुक्रवारी २ हजार ०४० नामनिर्देशन पत्रांचे वितरण झाले होते. तसेच ९ नामनिर्देशन पत्र दाखल झाली होती. नामनिर्देशन पत्रे वितरणाच्या चौथ्या दिवशी म्हणजे शनिवार, २७ डिसेंबर रोजी १ हजार २९४ नामनिर्देशन पत्रांचे वितरण झाले आहे. तर, ३५ नामनिर्देशन पत्र दाखल झाली आहेत. दरम्यान नामनिर्देशन पत्रे स्वीकारण्याचा कालावधी २३ ते ३० डिसेंबर २०२५ असा असून यामध्ये सकाळी ११ ते सायंकाळी ५ पर्यंत आहे. त्यानुसार, एकूण मिळून १० हजार ३४३ नामनिर्देशन पत्राचे वितरण झाले असून एकूण मिळून ४४ उमेदवारी अर्ज दाखल झाले आहेत.