पैसेवाटपावरून विक्रोळीत राडा
मुंबई, ता. १५ ः मतदानाच्या पूर्वसंध्येला पैसेवाटपावरून विक्रोळी पूर्वेकडील कन्नमवारनगर येथील ट्रान्झिट कॅम्प परिसरात तणाव पसरला होता. येथील ठाकरे गटाच्या पदाधिकाऱ्यांनी प्रभागातील ठरावीक व्यक्तींना पैशांची पाकिटे वाटणाऱ्या व्यक्तीस पकडले. या घटनेनंतर मोठा जमाव रस्त्यावर उतरला. या घटनेच्या चित्रफिती समाजमाध्यमांवरून सर्वदूर पसरल्या. या चित्रफितींमध्ये पैसे वाटणाऱ्या व्यक्तीकडील पाकिटे, डायरी आणि त्यात नमूद नावे व रक्कम स्पष्ट दिसते.