विरार, ता. १ (बातमीदार) : विरार पोलिस ठाण्यात कार्यरत असलेले पोलिस उपनिरीक्षक सुभाष गोईलकर यांना राष्ट्रपती पोलिस पदक हा पुरस्कार जाहीर झाला आहे. मिरा-भाईंदर-वसई-विरार पोलिस आयुक्तालयात आयोजित कार्यक्रमात पोलिस आयुक्त मधुकर पांडेय यांच्या हस्ते त्यांचा सन्मान करण्यात आला. केंद्रीय गृहमंत्रालयाकडून प्रजासत्ताक दिनाच्या पूर्वसंध्येस पोलिस पदाकांची घोषणा करण्यात आली. महाराष्ट्र पोलिस सेवेत ७ डिसेंबर १९९१ साली पोलिस कॉन्स्टेबल म्हणून सुभाष गोईलकर रुजू झाले होते. सध्या ते विरार पोलिस ठाण्यात पोलिस उपनिरीक्षक पदावर कार्यरत आहेत. गोईलकर यांची पोलिस सेवेत ३१ वर्षे झाली आहेत.