रोहा ता. १० (बातमीदार) : रोहा तालुक्यातील सुदर्शन कंपनीतर्फे अष्टमी ग्रामपंचायत हद्दीतील चिल्हे व तळवली या दोन गावात मोठ्या प्रमाणावर वृक्षारोपण कार्यक्रम राबिवण्यता आला. जागतिक पर्यावरण दिवसानिमित्त शनिवारी (ता.८) हा वृक्षारोपणाचा कार्यक्रम उपक्रम पार पडला. सुदर्शन केमिकलच्या सीएसआर विभागातंर्गत ठिकठिकाणी ग्राम विकास प्रकल्प राबविले जात आहे. त्याचाच एक भाग म्हणून या वृक्षारोपण कार्यक्रमाचे आयोजन करण्यात आले होते. यावेळी सुदर्शन कंपनीचे उपव्यवस्थापक माधुरी सनस, सिक्युरिटी मॅनेजर गणेश जांभुळकर, सीएसआर मॅनेजर रूपेश मारबाहे, विशाल घोरपडे, रवी दिघे, शैलेश गोरे, सरपंच रविंद्र मरवडे, उपसरपंच संदीप महाडिक, सदस्य दयाराम मरवडे, पोलिस पाटील गणेश महाडिक, वसंत मरवडे, प्रमोद शिंदे, रामचंद्र महाडिक, रामचंद्र मरवडे, रामचंद्र बामणे, तुकाराम कोंडे, संदीप लोखंडे, अनंता लोखंडे, देवाजी मरवडे, निवृत्ती लोखंडे, तुकाराम महाडिक निवृत्ती लोखंडे, धर्मा बामणे आदी मान्यवर उपस्थित होते. या कार्यक्रमातंर्गत ग्रामपंतायत हद्दीतील दोन्ही गावांमध्ये विविध वृक्षांच्या रोपांची लागवड करून वृक्षांना जगविण्याचा संकल्प करण्यात आला.