नवी मुंबई महानगरपालिकेच्या वतीने अनधिकृत बांधकामांवर कारवाईचा धडाका लावण्यात आलेला आहे. तुर्भे विभागाअंतर्गत असणाऱ्या सानपाडा सेक्टर १५ येथील एका अनधिकृत घराच्या बांधकामावर पालिकेने तोडक कारवाई केली आहे.
येथील पिंपळवाडामधील वनिता अशोक पाटील यांचे घर क्रमांक ११९ येथे विनापरवाना बांधकाम सुरू होते. याला पालिकेकडून नोटीस बजावण्यात आली होती. तसेच २४ तासांच्या आत हे बांधकाम पाडण्याचे आदेश देण्यात आले होते. शिवाय तुर्भे पोलिस ठाण्यात याप्रकरणी तक्रारदेखील करण्यात आली होती.
विशेष म्हणजे हे बांधकाम यापूर्वी पालिकेने १२ जानेवारी २०२३ मध्ये निष्कासित केले होते. तरीदेखील पुन्हा ते बांधकाम करण्यात येत होते. त्यामुळे पालिकेने ही तोडक कारवाई केली.
या वेळी सिडको अतिक्रमण विभागातील मुख्य अधिकारी वेणु नायर व तुर्भे विभाग अधिकारी भरत धांडे उपस्थित होते. या मोहिमेसाठी सिडको, अतिक्रमण निर्मूलन पथकातील पोलिस अधिकारी, पालिका अतिक्रमण विभागातील अधिकारी उपस्थित होते. अनधिकृत बांधकाम हटवण्याकरिता सिडकोकडील पोकलेन, जेसीबी यांचा वापर करण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.