सध्या मुलुंड परिसरात सोनसाखळी चोरीच्या घटनांमध्ये वाढ होत आहे. मुलुंड पश्चिमेत राहणाऱ्या सिल्विया वॉल्टर पिंटो (६७) या सकाळी काही कामानिमित्त पी. के. रोड येथील रत्ना सुपर मार्केट येथे आल्या असता दुचाकीवरून आलेल्या चोरट्यांनी त्यांची सोन्याची चेन खेचून पोबारा केला.
या घटनेनंतर पिंटो यांनी मुलुंड पोलिस ठाण्यात तक्रार नोंदवली. चोरीला गेलेल्या सोनसाखळीचे वजन १२ ग्राम होते, असे तक्रारीत नोंदवण्यात आले आहे.
पश्चिमेतील कार्तिक गृहनिर्माण सोसायटीत पाचव्या मजल्यावरून पडून एका कामगाराचा मृत्यू झाला. एसआरएच्या या इमारतीत सध्या शिफ्टिंगचे काम सुरू आहे. हे काम सुरू असताना सोमवारी (ता. ५) दुपारी ही दुर्घटना घडली.
दरम्यान, इमारतीच्या बांधकामासाठी लागू नियमांचे उल्लंघन होत असल्याने तसेच संरक्षणाबाबत कोणतेही उपाय केले नसल्याने ही दुर्घटना घडली असल्याचे आरोप स्थानिक करत आहेत.
पोलिसांनी घटनास्थळी पंचनामा करत कामगाराचा मृतदेह शवविच्छेदनासाठी डॉ. बाबासाहेब आंबेडकर रुग्णालयात पाठवला. तसेच याप्रकरणी अपघाती मृत्यूची नोंद करत पोलिसांनी पुढील तपास सुरू केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.