Dharavi News: धारावी बचाव आंदोलनातर्फे ‘अदानी हटाओ, धारावी बचाव’साठी १ मार्चला सायंकाळी ६ वाजता संत रोहिदास मार्गाजवळ जाहीर सभा होणार आहे. सभेच्या तयारीसाठी आंदोलनाच्या नेत्यांनी व कार्यकर्त्यांनी कंबर कसली आहे.

सभा यशस्वी करण्यासाठी धारावीत चौक सभा घेण्यात येत आहेत. या चौक सभेत पत्रक वाटून सभेला येण्याचे आवाहन रहिवाशांना केले जात आहे.(dharavi vs adani)

आंदोलनातर्फे धारावीत सभेचे पोस्टर लावले जात आहेत. सभेला एक लाखाहून अधिक धारावीकर उपस्थिती लावतील, असे नेत्यांचे म्हणणे आहे. अदानी कंपनीच्या वतीने धारावीतील रहिवाशांचे सर्वेक्षण करण्यासाठी ६०० लोकांना काम देणार असल्याचे बोलले जात आहे.

अपात्र ठरणाऱ्यांना मुलुंड, वडाळा, कांजूरमार्ग आणि भांडुपमध्ये पाठवले जाण्याची शक्यता वर्तवली जात आहे. अदानी कंपनीची निविदा रद्द करा, धारावीतील सर्व बांधकामांना पात्र करावे, किमान ५०० चौरस फुटांची घरे धारावीतच द्यावीत, धारावीचा विकास म्हाडाने करावा, या आंदोलकांच्या मागण्या आहेत.