Crime News: हत्येच्या गुन्ह्यात न्यायालयीन कोठडी दिलेली असताना उत्तर प्रदेशातून पळून आलेल्या आरोपीला वाराणसी एसटीएफच्या पथकाने पनवेल शहर पोलिसांच्या मदतीने पनवेल रेल्वे स्थानकातून ताब्यात घेतले.

प्रवीण ऊर्फ प्रदीप रामआजोर पाल (वय २५) असे या आरोपीचे नाव असून उत्तर प्रदेश पोलिसांनी त्याच्यावर ५० हजार रुपयांचे बक्षीस ठेवले होते. (crime panvel news)

प्रवीण ऊर्फ प्रदीप रामआजोर पाल याला ऑक्टोबर २०२२ मध्ये उत्तर प्रदेशमधील रामकोला पोलिसांनी हत्येच्या गुह्यात अटक केली होती.(mumbai crime)

त्यांनतर कुशीनगर येथील न्यायालयाने आरोपीला न्यायालयीन कोठडी ठोठावल्यानंतर त्याची रवानगी देवरिया येथील जिल्हा कारागृहात करण्यात आली होती. यादरम्यान त्याला १ नोव्हेंबर २०२२ रोजी देवरिया येथील जिल्हा रुग्णालयात उपचारासाठी नेण्यात आले होते.

याच वेळी आरोपी प्रवीणने पोलिसांच्या तावडीतून पलायन केले होते. त्यामुळे उत्तर प्रदेशातील कोतवाली पोलिसांनी त्याच्या विरोधात दुसरा गुन्हा दाखल करून त्याचा शोध सुरू केला होता. या आरोपीला पकडून देणाऱ्या व्यक्तीला ५० हजार रुपयाचे बक्षीसदेखील देवरिया पोलिस अधीक्षकांनी जाहीर केले होते.

तेव्हापासून उत्तर प्रदेश पोलिसांकडून या फरार आरोपीचा शोध घेण्यात येत होता. सदर आरोपी हा पनवेलमध्ये असल्याची गोपनीय व तांत्रिक माहिती उत्तर प्रदेश पोलिसांना मिळाली होती. त्यानुसार ही कारवाई करण्यात आली.(panvel crime)