Dahanu Crime : डहाणू तालुक्यातील वासगाव येथील कृताली पाटीलची घरगुती कारणावरून तिच्या पतीनेच राहत्या घरी गळा दाबून हत्या केली आहे. याप्रकरणी पोलिसांनी कनिष्क पाटील याला अटक केली आहे.

बोईसर दांडीपाडा येथे शनिवारी (ता. २) रात्री किरकोळ कारणावरून दोघा पती-पत्नीमध्ये भांडण झाले होते. या भांडणाचा राग आल्याने कनिष्क पाटीलने कृतालीचा गळा दाबून हत्या केली. सुरुवातीला तिने आत्महत्या केल्याचा बहाणा करण्यात आला होता.

तसेच वासगाव येथील तिच्या माहेरी दूरध्वनी करून ती बेशुद्ध असल्याचे सांगितले होते; पण तारापूर प्राथमिक आरोग्य केंद्रात शवविच्छेदन केल्यानंतर हा बनाव उघड झाला. त्यानुसार पोलिसांनी पती कनिष्क पाटील याला अटक केली असून पत्नीची हत्या केल्याचा कबुली जबाब त्याने दिला आहे.