Railway News: मध्य रेल्वेने प्रवाशांची अतिरिक्त गर्दी लक्षात घेत भुसावळ ते मुंबई सेंट्रल आणि पुणे ते इंदूर दरम्यान धावणाऱ्या विशेष गाड्यांच्या मुदतीत वाढ केली आहे. त्यामुळे प्रवाशांना मोठा दिलासा मिळणार आहे. (mumbai bhusawal railway)

मध्य रेल्वेने दिलेल्या माहितीनुसार, ट्रेन क्रमांक ०९०५१ मुंबई सेंट्रल- भुसावळ त्रि-साप्ताहिक विशेष एक्स्प्रेसची मुदत आता ३० एप्रिलपर्यंत वाढविण्यात येत आहे. ट्रेन क्रमांक ०९०५२ भुसावळ-मुंबई सेंट्रल त्रि-साप्ताहिक विशेषची मुदत १ मे पर्यंत वाढविण्यात येत आहे. ट्रेन क्रमांक ०९३२४ इंदूर-पुणे साप्ताहिक विशेष २४ एप्रिल, तर ट्रेन क्रमांक ०९३२३ पुणे-इंदूर साप्ताहिक विशेषची मुदत २५ एप्रिलपर्यंत वाढविण्यात आली आहे.(Railway News)

त्यामुळे भुसावळ ते मुंबई सेंट्रल आणि पुणे ते इंदूरदरम्यान प्रवास करणाऱ्या प्रवाशांना मोठा दिलासा मिळाला आहे. या मुदत वाढविण्यात आलेल्या विशेष रेल्वे गाड्यांचे आरक्षण भारतीय रेल्वेच्या सर्व संगणकीकृत आरक्षण केंद्रांवर आणि ‘आयआरसीटीसी’च्या संकेतस्थळावर सुरू करण्यात आले आहे.(Maharashtra News)