मुंबई, ता. ६ : होळीसाठी गावी जाणाऱ्या रेल्वे प्रवाशांची गर्दी लक्षात घेऊन पश्चिम रेल्वेने अहमदाबाद-मडगावदरम्यान वसई रोडमार्गे विशेष भाड्यावर होळी स्पेशल ट्रेन चालवण्याचा निर्णय घेतला आहे. त्यामुळे प्रवाशांना मोठा दिलासा मिळणार आहे.

ट्रेन क्रमांक ०९४१२ अहमदाबाद-मडगाव विशेष अहमदाबादहून १९ आणि २६ मार्च २०२४ रोजी सकाळी ९.३० वाजता सुटेल आणि दुसऱ्या दिवशी पहाटे ५.३० वाजता मडगावला पोहोचेल. तसेच ट्रेन क्रमांक ०९४११ मडगाव-अहमदाबाद स्पेशल ही मडगावहून २० आणि २७ मार्च २०२४ रोजी सकाळी ८ वाजता सुटेल आणि दुसऱ्या दिवशी सकाळी ७ वाजता अहमदाबादला पोहोचेल. (railway News holi Maharashtra)

या दोन्ही होळी स्पेशल रेल्वे गाड्या वडोदरा, सुरत, वलसाड, वापी, पालघर, वसई रोड, पनवेल, रोहा, माणगाव, वीर, खेड, चिपळूण, सावर्डा, संगमेश्वर रोड, रत्नागिरी, आडवली, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिविम आणि करमाळी स्थानकांत थांबतील, अशी माहिती पश्चिम रेल्वेने दिली आहे.

या होळी विशेष गाड्यांचे आरक्षण ८ मार्च २०२४ पासून भारतीय रेल्वेच्या सर्व आरक्षण केंद्रांवर आणि ‘आयआरसीटीसी’च्या संकेस्थळावर सुरू होणार आहे.(Latest Railway News )