Navi Mumbai News: पनवेलमधील शेडुंगकडून पळस्पेकडे जाणाऱ्या रस्त्यावर आजिवली गाव येथे कारमधून गांजा विक्री करण्यासाठी आलेल्या दोघांना अमली पदार्थविरोधी पथकाने सापळा रचून अटक केली.
नीलेश लक्ष्मण देशमुख (३५) व अर्जुन कैलास देवकर (२५) अशी या दोघांची नावे असून पथकाने त्यांच्या कारमध्ये असलेला तब्बल सहा लाख ८८ रुपये किमतीचा ३४ किलो ४०० ग्रॅम वजनाचा गांजा व १० लाख रुपये किमतीची कार जप्त केली.
पनवेलमधील शेडुंगकडून पळस्पेकडे जाणाऱ्या रोडवर आजिवली गाव येथील जरीमरी ढाब्याजवळ दोन व्यक्ती कारने गुरुवारी रात्री गांजा विक्री करण्यासाठी येणार असल्याची माहिती अमली पदार्थविरोधी पथकाला मिळाली होती.
माहितीच्या आधारे वरिष्ठ पोलिस निरीक्षक नीरज चौधरी व त्यांच्या पथकाने गुरुवारी रात्री आजिवली गाव येथील जरीमरी ढाब्याजवळ सापळा रचला होता. रात्री पावणेदहा वाजण्याच्या सुमारास त्या ठिकाणी एका पांढऱ्या रंगाच्या कारमधून नीलेश देशमुख व अर्जुन देवकर हे दोघे संशयीतरीत्या आले असता पथकाने दोघांची धरपकड केली.
३४ किलो गांजा, कार जप्त
पोलिसांनी केलेल्या तपासणीत कारमध्ये दोन पिशव्यांमध्ये ३४ किलो ४०० ग्रॅम वजनाचा गांजा आढळून आला. अमली पदार्थविरोधी पथकाने नीलेश देशमुख व अर्जुन देवकर या दोघांविरोधात पनवेल तालुका पोलिस ठाण्यात एनडीपीएस कलमाखाली गुन्हा दाखल करून दोघांना अटक केली. या कारवाईत १० लाख रुपये किमतीची इर्टिगा कारदेखील जप्त करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.