Mumbai News: खेळता-खेळता हरवलेल्या १२ वर्षांच्या मुलाचा आठ तासांत शोध लावण्यात कुलाबा पोलिसांना यश आले आहे.
गतिमंद असलेला हा मुलगा वरळी येथून गुरुवारी बेपत्ता झाला होता. मुलाच्या गळ्यात असलेल्या पेंडंटमधील क्यूआर कोडमुळे त्यांच्या पालकांपर्यंत पोहोचण्यास पोलिसांना मदत झाली. त्यामुळे आठ तासांत पोलिसांनी मुलाची पालकांशी पुन्हा भेट घडवून आणली.
वरळी परिसरात हा मुलगा गुरुवारी दुपारी २ वाजता खेळायला गेला होता. मात्र, तो बराच वेळ घरी न परतल्यामुळे पालकांनी त्यांचा शोध घेतला. त्यानंतरही तो न सापडल्याने त्यांनी वरळी पोलिस ठाण्यात मुलगा हरवल्याची तक्रार दिली. कुलाबा परिसरात फिरताना रात्री ८.३० च्या सुमारास ‘बेस्ट’च्या बस कंडक्टरला हा मुलगा सापडला.
याबाबत त्याने स्थानिक पोलिसांना माहिती दिली. त्यानंतर कुलाबा पोलिसांचे एक पथक घटनास्थळी पोहोचले. त्यांनी या मुलाला पोलिस ठाण्यात नेले. पोलिसांच्या प्रश्‍नांची या मुलाला उत्तरे देता आली नाहीत. तो फक्त हसत होता.
पोलिसांनी त्याचा खिसा आणि त्याच्याकडे वस्तूंची तपासणी केली. यावेळी त्यांना मुलाच्या गळ्यात एक पेंडंट दिसले. त्यावर असलेला क्यूआर कोड स्कॅन करून मुलाची माहिती मिळवली. त्यानंतर त्याच्या पालकांशी संपर्क करून कुलाबा पोलिसांनी शुक्रवारी सकाळी मुलाला त्यांच्या ताब्यात दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.