Navi Mumbai Crime: नेरूळमधील दारावे गावात राहणाऱ्या पाच वर्षीय मुलीला बॉल देण्याच्या बहाण्याने इमारतीच्या जिन्याखाली अनैसर्गिक लैंगिक कृत्याचा प्रयत्न केल्याची घटना उघडकीस आली आहे. याप्रकरणी नेरूळ पोलिसांनी पोक्सोअंतर्गत गुन्हा दाखल केला आहे.

नेरूळमधील दारावे गावात शुक्रवारी दुपारी दीडच्या सुमारास घराबाहेरील मोकळ्या जागेत खेळणाऱ्या पाच वर्षांच्या मुलीला अज्ञात व्यक्तीने बॉल देण्याच्या बहाण्याने बाजूलाच असलेल्या इमारतीच्या जिन्याखाली अनैसर्गिक लैंगिक कृत्य करण्याचा प्रयत्न केला होता.

या प्रकारामुळे घाबरलेल्या पीडित मुलीने घर गाठून घडलेला प्रकार आईला सांगितला. त्यानंतर नेरूळ पोलिस ठाण्यात याप्रकरणी तक्रार दाखल करण्यात आली होती.