Murbad News: मुरबाड शहापूर रस्त्यावर कुडवली पुलावर शुक्रवारी (ता. १९) रात्री एका भरधाव टेम्पोने दुचाकीला धडक दिल्याने दुचाकीवरील एकाचा मृत्यू; तर एक जण गंभीर जखमी झाल्याची घटना घडली.

यातील जखमीला मुंबई येथील सायन रुग्णालयात दाखल करण्यात आले आहे. सुनील माळवे (वय ४६) असे मृताचे नाव असून विलास माळवे असे जखमीचे नाव आहे. दोघेही मुरबाड येथून दुचाकीने कुडवलीकडे शुक्रवारी रात्री साडेदहा वाजण्याच्या सुमारास जात होते. या वेळी भरधाव टेम्पोने त्यांच्या दुचाकीला जोरदार धडक दिली. यामध्ये दुकाचाकीवरील दोघेही जखमी झाले.

यामध्ये जखमी झालेल्या सुनील यास कल्याण येथे नेले असता उपचारादरम्यान त्याचा मृत्यू झाला; तर विलास याला सायन रुग्णालयात दाखल करण्यात आले आहे. या अपघातप्रकरणी मुरबाड पोलिस ठाण्यात नोंद करण्यात आली असून पोलिस अधिक तपास करीत आहेत.