Poladpur News: मुंबई-गोवा महामार्गावरील कशेडी घाटात एका ट्रेलरने कारला धडक दिल्याची घटना भोगाव गावच्या हद्दीत घडली आहे. यामध्ये कारमधील दोघे गंभीर जखमी झाले आहेत.(mumbai goa highway)

रवी राजेंद्र तिवारी (वय २९) हा आपल्या ताब्यातील ट्रेलर पुणे ते रत्नागिरी असा घेऊन जात होता. यावेळी ट्रेलरची धडक एका कारला झाली. यामध्ये कारमधील दाम्पत्य किरकोळ जखमी झाले. या घटनेची माहिती समजतात कशेडी महामार्ग पोलिस मदत केंद्राचे सहायक पोलिस निरीक्षक एस. व्ही. सुर्वे यांनी आपल्या पथकासह घटनास्थळी धाव घेत मदतकार्य सुरू केले.

या दरम्यान पोलादपूर पोलिसांनाही घटनास्थळी धाव घेत जखमींना पोलादपूर ग्रामीण रुग्णालयात उपचाराकरिता हलविले. या अपघाताची नोंद पोलादपूर पोलिस ठाण्यात करण्यात आली असून या अपघाताचा पुढील तपास पोलादपूर पोलिस करीत आहेत.