Mumbai News: पोरबंदर यार्ड येथे पिट लाईनच्या कामामुळे ट्रेन क्रमांक १९०१५ /१६ सौराष्ट्र एक्स्प्रेस मुंबई सेंट्रलऐवजी दादर टर्मिनसपर्यंत धावणार आहे.

पुढील सूचना मिळेपर्यंत सौराष्ट्र एक्स्प्रेस दादर टर्मिनसवरून सुटणार आणि समाप्त होणार असल्याची माहिती पश्चिम रेल्वेने दिली आहे.

पश्चिम रेल्वेचे मुख्य जनसंपर्क अधिकारी सुमित ठाकूर यांनी सांगितले की, टर्मिनसमधील बदलामुळे ट्रेनच्या वेळेतही सुधारणा करण्यात आली आहे. ट्रेन क्रमांक १९०१५ दादर-पोरबंदर सौराष्ट्र एक्स्प्रेस दादरहून सकाळी ०९.३० वाजता सुटेल.

हा बदल २२ मे २०२४पासून लागू होईल. इतर थांब्यांच्या वेळेत कोणताही बदल होणार नाही. ट्रेन क्रमांक १९०१६ पोरबंदर-दादर सौराष्ट्र एक्स्प्रेस दादर येथे संध्याकाळी ७.२० वाजता संपेल. हा बदल २० मे २०२४पासून लागू होईल. इतर थांब्यांच्या वेळेत कोणताही बदल होणार नाही.