भिवंडी, ता. १७ (वार्ताहर)ः कारिवली गावाच्या हद्दीत पैशांच्या मागणीवरून एकाची नातेवाइकांकडून निर्घुण हत्या करण्यात आली आहे. या प्रकरणी भोईवाडा पोलिस ठाण्यात गुन्हा दाखल करण्यात आला आहे.
राजनोली परिसरातील गोदरेज निर्वाणा ग्रहसंकुलात राहणारे फरहत शेख वय (५६) १२ एप्रिल रोजी सकाळी साडे दहावाजता घरातून बाहेर गेले होते. तेव्हापासून ते घरी परतले नसल्याने भोईवाडा पोलिस ठाण्यात बेपत्ता असल्याची तक्रार नोंदवण्यात आली होती. अशातच
१६ एप्रिल रोजी कारीवली गावाच्या हद्दीतील स्मशानभूमी लगतच्या खाडी परीसरात फरहत शेख यांचा मृतदेह सापडला होता. विशेष म्हणजे, शेख यांच्या अपहरणानंतर त्यांच्याच मोबाईलवरून मुलगी आणि ओळखीच्या दोघांकडे पैशांची मागणी करण्यात आली होती.