टोकावडे (बातमीदार)ः मुरबाड तालुक्यातील आदिवासी विभागातील शिरोशी ग्रुप विविध कार्यकारी सहकारी संस्था मर्यादित मुरबाड विशेष सर्वसाधारण सभा माळ मठ येथे झाली. यावेळी सोसायटीतील २५३ शेतकऱ्यांचे ३६३.७० क्षेत्रावरील खरीप हंगाम २०२५-२६ मधील कर्ज २ कोटी ७२ लाख ७७ हजार ५०० रुपयांचे दोन ते तीन दिवसात वाटप करण्याच्या सूचना सुभाष पवार यांनी दिले. शिरोशी सेवा सोसायटी अनेक वर्ष नफ्यात असताना २०२४ -२५ मध्ये वाटप कर्जाची वसुली कमी प्रमाणात झाल्यामुळे थकबाकी वाढली होती. यामुळे ठाणे जिल्हा मध्यवर्ती सहकारी बँकेच्या सूचनेनुसार कर्ज वाटप करता येत नव्हते. याबाबतची वस्तुस्थिती सुभाष पवार यांनी तातडीने विशेष सर्वसाधारण सभा बोलावून शेतकऱ्यांना सांगितले.