कळवा, ता. २४ (बातमीदार)ः शिळफाटा परिसरातील दोन अल्पवयीन मुलींचे अपहरण करण्यात आले होते. या प्रकरणात शिळ डायघर पोलिसांनी हत्यारांची तस्करी करणाऱ्या दोघांना ताब्यात घेतले आहे.
शिळफाटा परिसरातील ग्रीन पार्क परिसरात राहणाऱ्या दोन अल्पवयीन मुलींना भिवंडी येथील हैदर नावाच्या तरुणाने इन्स्टाग्रामच्या माध्यमातून ओळख करून मैत्री केली होती. त्यांची मुंब्रा येथील मित्र शहाबुद्दीन अन्सारी यांच्याशी ओळख करून दिली. २८ फेब्रुवारीला शहाबुद्दीनने मुलींशी भिवंडी येथील बीएमडब्ल्यू गाडीतून पिस्तूल तसेच अन्य हत्यारांची तस्करी करणारे कुविख्यात गुंड अमय प्रतापसिंह, जसवंत लाला यांच्याकडून पैसे घेऊन ताब्यात दिले. या दोघांनी दोन अल्पवयीन मुलींना पळवून नेऊन दमदाटी करून जीवे मारण्याची धमकी देऊन खडवली येथील एका घरात ठेवले होते; पण हत्यारे तस्करीच्या प्रकरणात भिवंडी शांतिनगर पोलिस ठाण्यात दोघांना अटक केली होती. त्यानुसार भिवंडी न्यायालयाने गेल्या तीन दिवसांपूर्वी त्यांना कल्याणच्या आधारवाडी कारागृहात ठेवण्याचे आदेश दिले होते. या दोन मुलींनी सुटका झाल्यानंतर शिळफाटा येथील घर गाठले. चार महिन्यांपासून घरातून बेपत्ता आलेल्या दोन्ही मुली गर्भवती असल्याने याप्रकरणी गुन्हा दाखल करण्यात आला आहे.
----------------------------
मदत करणारा गजाआड
शिळ डायघर पोलिसांनी आधारवाडी कारागृहातून या दोन्ही आरोपींना ताब्यात घेतले आहे. तसेच त्यांना मदत करणाऱ्या शहाबुद्दीन अन्सारीला अटक करण्यात आली आहे.