भिवंडीत अल्पवयीन मुलीचे अपहरण
भिवंडी, ता. २४ (वार्ताहर) : निजामपुरा परिसरातील १३ वर्षीय अल्पवयीन मुलीचे अज्ञाताने अपहरण केल्याची घटना घडली आहे. याप्रकरणी अज्ञाताविरोधात निजामपुरा पोलिस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार जोया सरताज शेख (वय १३) रविवारी (ता. २२) रात्री साडेअकरा वाजता घरातून बाहेर गेली; मात्र ती घरी परतलीच नसल्याने तिचे कोणीतरी अज्ञात व्यक्तीने अपहरण केल्याच्या संशयावरून जोया हिचे वडील सरताज हमीद शेख यांनी तक्रार केली. त्यावरून अज्ञात व्यक्तीविरोधात निजामपुरा पोलिस ठाण्यात अपहरणाचा गुन्हा दाखल केला आहे.