मुरबाड, ता. २६ (बातमीदार)ः अगस्त्य इंटरनॅशनल फाउंडेशन व सोसायटी जनरल सिक्युरिटीज सर्विस यांच्या माध्यमातून शिवळे येथील विद्यामंदिर हायस्कूल, ठाणे जिल्हा परिषद शाळा कोरावळे व सरळगाव विभाग हायस्कूलमधील इयत्ता सहावी ते आठवीच्या पाचशे विद्यार्थ्यांना पेपरट्रॉनिक किटचे वाटप करण्यात आले. मुलांना छोटे-छोटे प्रयोग कशाप्रकारे करायचे, याचे मार्गदर्शन रिंकू पडवळ आणि तेजस्विता माळी यांनी केले. अगस्त्य इंटरनॅशनल फाउंडेशन व सोसायटी जनरल सिक्युरिटीज सर्विस यांच्यामार्फत पेपरट्रॉनिक किटचा फायदा विद्यार्थ्यांना नक्कीच होईल, असे शिक्षकांनी सांगितले. विद्यार्थ्यांना वैज्ञानिक दृष्टिकोन तसेच त्यांच्या बुद्धीला चालना देण्यासाठी हा उपक्रम सुरू करण्यात आला आहे. विद्यामंदिर हायस्कूल शिवळे, सरळगाव विभाग हायस्कूल सरळगाव शाळांकडून मुख्याध्यापक यशवंत धलपे, एम. कंटे, गजानन माळी तसेच शिक्षक आणि विद्यार्थ्यांनी आभार मानले.