टोकावडे, ता. २६ (बातमीदार)ः म्हसारोडलगत जगदीश गोल्हे यांच्या घरातील मौल्यवान ऐवज चोरण्यात आला आहे. या वेळी हत्यारांचा वापर करत घरातील व्यक्तींना चोरांनी धमकावल्याने धसई परिसरात दहशतीचे वातावरण आहे.
धसईतील म्हसारोडलगत वास्तव्य करणारे जगदीश गोल्हे यांच्या घरात बुधवारी रात्री ५ ते ६ चोरट्यांनी प्रवेश केला होता. घरातील व्यक्तींना चॉपर धाक दाखवून दीड तोळे सोने आणि जवळपास २० हजारांची आहे. घटनेची माहिती मिळतात टोकावडे पोलिस ठाण्याच्या अधिकाऱ्यांनी घटनास्थळी धाव घेतली. या वेळी चोरांनी शेजारच्या एका बंगल्यामध्ये कंपाउंडवर चढून दरवाजा उघडण्याचा प्रयत्न केला, परंतु त्यांना तेथे यश आले नसल्याचा प्रकार सीसीटीव्हीमध्ये कैद झाला आहे.
दरम्यान, सशस्त्र चोरट्यांनी अशा प्रकारे घरफोडी केल्याने धसई परिसरातील नागरिकांमध्ये भीतीचे वातावरण असून, पोलिसांनी या परिसरात रात्रीची गस्त घालावी, अशी मागणी नागरिक करत आहेत.