मुरबाड, ता. २८ (बातमीदार)ः मुरबाड शहरातील ग्रामीण रुग्णालयाकडे जाणाऱ्या रस्त्यावर पथदिवे नसल्याने रुग्णांना अंधारातून जावे लागते. हा परिसर निर्मनुष्य असल्याने महाराष्ट्र नवनिर्माण सेना मुरबाड शहर अध्यक्ष देवेंद्र जाधव यांनी पथदिवे लावण्याची मागणी केली आहे. मुरबाड शहराच्या मुख्य रस्त्यावरून पंचायत समिती कार्यालय आवार ते ग्रामीण रुग्णालयाकडे जाणारा रस्ता या परिसरात विजेची सोय नाही. रात्रीच्या वेळी औषधोपचारासाठी दवाखान्यात जाणाऱ्या रुग्ण तसेच नातेवाइकांना अंधारातून जावे लागते. त्यामुळे मुरबाड नगर पंचायतीच्या मुख्याधिकाऱ्यांनी लक्ष घालून पथदिव्यांची सोय करावी, अशी मागणी जाधव यांनी केली आहे.