नवी मुंबई, ता. २८ (वार्ताहर) : नेरूळ येथील जनता मार्केटसमोरील पदपथावर १६ जूनला एक तरुण मृतावस्थेत आढळून आला होता. त्या तरुणाची अद्याप ओळख न पटल्याने नेरूळ पोलिसांनी त्याची ओळख पटविण्यासाठी प्रयत्न सुरू केले आहेत. त्याच्या नातेवाइकांचा शोधही सुरू केला आहे. नेरूळ येथील जनता मार्केट परिसरातील पदपथावर १६ जूनला अंदाजे २२ वर्षे वयोगटातील एक तरुण बेशुद्धावस्थेत आढळून आला. त्यामुळे नेरूळ पोलिसांनी त्याला महापालिका रुग्णालयात दाखल केले; मात्र डॉक्टरांनी त्याला मृत घोषित केले. या तरुणाजवळ त्याची ओळख पटविण्यासारखी कुठलीही वस्तू आढळून न आल्याने पोलिसांनी याप्रकरणी अपमृत्यूची नोंद करून मृत तरुणाची ओळख पटविण्यासाठी प्रयत्न सुरू केले आहेत. मृत तरुण अंदाजे २२ वयोगटातील असून, त्याच्या अंगात राखाडी रंगाचा शर्ट व काळ्या रंगाची पँट आहे. त्याचा चेहरा उभट असून, या वर्णनाच्या व्यक्तीबाबत कोणाला काही माहिती असल्यास त्यांनी नेरूळ पोलिसांशी संपर्क साधावा, असे आवाहन पोलिसांकडून करण्यात आले आहे.