भिवंडी (वार्ताहर)ः राज्यात तिसरी भाषा म्हणून हिंदीची सक्ती केली जात असून, त्याविरोधात राज्यात जनरोष आहे. याच अनुषंगाने भिवंडीत ठाकरे गटाने छत्रपती शिवाजी महाराज चौकात शासन अध्यादेशाच्या प्रतींची होळी केली. या आंदोलनात जिल्हाप्रमुख मनोज गगे, शहरप्रमुख प्रसाद पाटील, माजी शहरप्रमुख मोहन बल्लाळ, महिला संघटक वैशाली मेस्त्री, जिल्हा सचिव राजा पुण्यार्थी, तालुका युवासेना अधिकारी पंकज घरत, नाना झळके यांसह मोठ्या संख्येने शिवसैनिक उपस्थित होते. या वेळी तिसरी भाषा म्हणून हिंदी महाराष्ट्रावर लादण्यापेक्षा महाराष्ट्रातील परप्रांतीयांना मराठी यावी, यासाठी उत्तर भारतात मराठी भाषा भाजपने सक्तीची करावी, अशी मागणी करण्यात आली.