कांदिवलीतील ‘ऐतिहासिक’ घड्याळाची टिकटिक सुरू
कांदिवली, ता. ३० (बातमीदार) : कांदिवली महात्मा गांधी छेद मार्ग दोनवर पालिकेचे आर दक्षिण इमारतीत कार्यालय आहे. या कार्यलयाच्या मार्गावर सुरुवातीला लावण्यात आलेले जुन्या इंग्रज बनावटीचे व चारही बाजूंना वेळ दाखविणारे घड्याळ तीन आठवड्यांपासून बंद होते. याबाबतच ‘सकाळ’च्या १३ जूनच्या अंकात वृत्त प्रकाशित करण्यात आले होते. याची दखल घेत पालिका अधिकाऱ्यांनी ऐतिहासिक घड्याळ सुरू केले आहे.
पालिकेने तातडीने घडळाची दुरुस्ती करावी, अशी मागणी नागरिकांकडून केली जात होती. दररोज हजारो नागरिक या ऐतिहासिक घड्याळाचा वापर करतात. पालिकेने तातडीने घड्याळ दुरुस्त करावे, अथवा नव्याने या पेक्षाही मोठे घड्याळ लावावे, जेणेकरून दुरूनही सहज वेळ पाहता येईल, अशी मागणी नागरिकांकडून केली जात आहे.