ठाणे, ता. १ : शहरातील वागळे इस्टेट, दिवा परिसरातून तीन मुले बेपत्ता आहेत. यामध्ये दोन अल्पवयीन मुलींचा समावेश आहे.
वागळे इस्टेट परिसरातील १५ वर्षीय अल्पवयीन मुलगी रविवारी (ता. २९) सायंकाळी महाविद्यालयीन प्रवेशासाठी मैत्रिणीसोबत जाते, असे सांगून गेली होती. रात्री ९ च्या सुमारास घरी आल्यावर तिची आई तिच्यावर ओरडली होती. याचा राग आल्याने मुलगी घरातून निघून गेली होती. याप्रकरणी वागळे इस्टेट पोलिस ठाण्यात गुन्हा दाखल झाला आहे. दुसऱ्या घटनेत, राहत्या परिसरात क्रिकेट खेळण्यासाठी गेलेला १२ वर्षीय मुलगा रविवारी रात्रीपासून बेपत्ता आहे. याप्रकरणी वागळे इस्टेट पोलिस ठाण्यात गुन्हा दाखल झाला आहे, तर तिसरी घटना दिव्यात समोर आली आहे. या घटनेत एक १७ वर्षीय युवती कोणालाही काही न सांगता निघून गेली. याप्रकरणी मुंब्रा पोलिस ठाण्यात गुन्हा दाखल करण्यात आला आहे.