सांताक्रू-चेंबूर जोड मार्गावर विद्युततारिका संच उघडे
चेंबूर, ता. २ (बातमीदार) ः सांताक्रूझ-चेंबूर जोडमार्ग येथील सेवा रस्‍त्‍यावर कित्येक दिवसांपासून विद्युततारिका संच उघड्या अवस्‍थेत आहे. त्‍यामुळे प्रवाशांना या मार्गावरून प्रवास करणे धोक्याचे झाले आहे. एखादी दुर्घटना घडण्याची भिती व्यक्‍त करण्यात येत आहे.
या मार्गावर सतत रहदारी असते. काही व्यक्ती फाटक ओलांडून या मार्गावर येतात. परिसरातील लहान मुले, विद्यार्थी, ज्‍येष्‍ठ नागरिकांचादेखील या मार्गावर वावर असतो. या मार्गावरील वीज खांबाचा विद्युततारिका संच धोकादायक अवस्‍थेत आहे. एखाद्या व्यक्तीचा नकळत येथे स्‍पर्श झाल्‍यास विजेचा झटका लागण्याची शक्‍यता आहे. त्‍यामुळे विज वितरण कंपनीने लवकरात लवकर येथे उपाययोजना कराव्यात, अशी मागणी प्रवाशांनी केली आहे.