विक्रमगड (बातमीदार) : ओंदे येथील श्री. व्ही. जी. पाटील महाविद्यालयात उच्च व तंत्रशिक्षण विभाग आणि महाराष्ट्र माहिती तंत्रज्ञान साहाय्यता केंद्र यांच्या संयुक्त विद्यमाने करिअर संसदेचा शपथविधी सोहळा मोठ्या उत्साहात पार पडला. या सोहळ्यात योगेश बाबर यांनी करिअर संसद मुख्यमंत्री म्हणून शपथ ग्रहण केली. या सोहळ्यात करिअरमंत्री म्हणून एकूण नऊ विद्यार्थ्यांना शपथ देण्यात आली. या प्रसंगी महाविद्यालयाचे प्रभारी प्राचार्य डॉ. चांदोजी गायकवाड यांनी मुख्यमंत्री आणि मंत्री यांना त्यांच्या पदाची व कर्तव्याची शपथ दिली. याप्रसंगी प्रमुख अतिथी म्हणून मराठी विभागप्रमुख डॉ. सुनीलदत्त गोडसे हे उपस्थित होते. त्यांनी विद्यार्थ्यांना अनमोल मार्गदर्शन केले. याप्रसंगी डॉ. विनोद सोनवणे, डॉ. तेजेंद्र राजपूत, डॉ. जुनेद सय्यद, करिअर कट्टाप्रमुख प्रा. संतोष धामोणे, मिलिंद पाटील यांचे मार्गदर्शन लाभले.