कर्जतला जाणारी रेल्वे सेवा ठप्प

बदलापूर, ता. २६ (बातमीदार) ः मुंबईहून पुण्याला जाणाऱ्या कोयना एक्स्प्रेसचे इंजिन बदलापूर स्थानकात येताच फेल झाल्याने, रात्री ११ वाजण्याच्या सुमारास बदलापूर स्थानकात कर्जतच्या दिशेने जाणारी लोकल सेवा ठप्प झाली. फलाट क्रमांक दोनवर ही एक्स्प्रेस गेल्या तासभरापासून उभी असताना, या एक्स्प्रेसचे इंजिन सुरू करायला अजून तासभर लागण्याची शक्यता असल्याचे स्टेशन मास्तर यांनी सांगितले. त्यामुळे फलाट क्रमांक दोनवर, मुंबईकडून येणाऱ्या व कर्जतच्या दिशेने जाणाऱ्या सगळ्या लोकल गाड्या ठप्प झाल्या. त्यामुळे प्रवासी हैराण झाले.