पालघर, ता. ३० (बातमीदार) : जिल्हा परिषदेचे मुख्य कार्यकारी अधिकारी यांच्या मार्गदर्शनाखाली घरकुल लाभार्थी संवाद अभियान उद्या (ता. ३१) राबविण्यात येत आहे. जिल्हा परिषद स्तरावरील वर्ग १ व वर्ग २ अधिकारी, पंचायत समिती व ग्रामपंचायत स्तरावरील अधिकारी आणि कर्मचारी यांचा सक्रिय सहभाग आहे. घरकुल लाभार्थ्यांशी थेट संवाद साधून त्यांना प्रेरणा देण्यासाठी प्रयत्न आहे.
पालघर जिल्ह्यात या टप्प्यात २९ हजार १०४ घरकुल लाभार्थ्यांना भेट दिली जाणार आहे. यामध्ये पंतप्रधान आवास योजनेतील २४ हजार ८२ घरकुले, तर रमाई आवास योजनेची ५८ घरकुले, शबरी आवास योजनेमधील ७९२, आदिम आवास योजनेची आठ, तर मोदी आवास योजनेची ८६ अशा राज्य पुरस्कृत योजनांतील घरकुलांचा समावेश आहे.
जिल्हा परिषदेचे मुख्य कार्यकारी अधिकारी स्वतः काही घरकुलांना भेट देणार असून, अधिकारी व कर्मचारी लाभार्थ्यांशी थेट संवाद साधून त्यांच्या अडचणी जाणून घेणार आहेत. त्याचबरोबर लाभार्थ्यांना घरकुल पूर्णत्वासाठी प्रोत्साहित करण्यात येणार आहे. भेटीच्या वेळेस गुगल लिंकमधील अर्ज भरणे व लाभार्थ्यासोबत सेल्फी घेणे हे आवश्यक आहे, ज्याद्वारे अभियानाचे दस्तऐवजीकरण व मूल्यांकन सुलभ होणार आहे. या अभियानाचा मुख्य उद्देश म्हणजे घरकुल लाभार्थ्यांचे विश्वासार्ह मार्गदर्शन करून घरकुलांची कामे विहित मुदतीत पूर्ण करण्याकडे त्यांचे लक्ष वेधणे व त्यांच्यात सकारात्मकता निर्माण करणे हा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.