तुर्भे, ता. २ (बातमीदार) : नवी मुंबई पालिकेच्या विकास आराखड्यातील सुधारणांनुसार डीपीएस फ्लेमिंगो तलाव, एनआरआय आणि टीएस चाणक्य पाणथळ जागा म्हणून उल्लेख करण्यात आला आहे. त्यामुळे फ्लेमिंगोंच्या आश्रयस्थळांच्या संरक्षणासाठी पर्यावरणप्रेमींच्या लढ्याला यश आले असून अंतिम शिक्कामोर्तबासाठीची मोहीम सुरू झाली आहे.
नवी मुंबई महापालिकेच्या पूर्वीच्या मसुद्यात तीन पायऱ्या निळ्या रंगात पाणथळ जागा म्हणून चिन्हांकित केल्या आहेत; परंतु सिडकोने भविष्यातील विकासासाठी डीपीएस तलाव आणि प्रस्तावित गोल्फ कोर्ससाठी एनआरआय पाणथळ जागा म्हणून चिन्हांकित केले आहे. सिडकोने टीएस चाणक्य पाणथळ जागा निवासी क्षेत्र म्हणून दर्शवले आहे. राज्य नगरविकास विभागाने जारी केलेल्या प्रस्तावित सुधारणांवरील अधिसूचनेनुसार, याबाबत २३ ऑगस्टपर्यंत सूचना आणि हरकती मागवल्यात आहेत. त्यानंतर याबाबतच्या निर्णयाला अंतिम मंजुरी मिळणार आहे.
-----------------------------
पालिका, सिडकोत मतभेद
महापालिकेने पाणथळ जागा, फ्लेमिंगो निवासस्थाने आणि इको-टुरिझम स्थळे म्हणून राखण्याचा प्रस्ताव दिला होता; परंतु सिडकोने प्रस्तावाला प्रतिसाद दिलेला नाही. डीपीनुसार, एनआरआय पाणथळ जागेला लागून असलेल्या सेक्टर ६० येथील सुरू असलेला रिअल इस्टेट विकास, मसुदा डीपीमधील सुधारणांनुसार निवासी क्षेत्र म्हणून कायम ठेवले आहे; पण नोव्हेंबर २०१८ मध्ये मुंबई उच्च न्यायालयाने निवासी- कम- व्यावसायिक प्रकल्प आणि गोल्फ कोर्स रद्द केला होता; परंतु सिडकोने सर्वोच्च न्यायालयात धाव घेतल्याने या प्रकरणाची सुनावणी प्रलंबित आहे.