शिवसेना डॉक्‍टर सेलच्या पदाधिकाऱ्यांची नियुक्‍ती
घाटकोपर, ता. २ (बातमीदार) ः मुंबई महापालिकेच्या पार्श्वभूमीवर मुंबईत वर्चस्व कायम ठेवण्यासाठी शिवसेना शिंदे गटाकडून प्रयत्न सुरू करण्यात आले आहेत. मुंबईत आरोग्य क्षेत्रासाठी कार्यरत असणाऱ्यांचा डॉक्टर सेल स्थापन करण्यात आला असून, मुंबईच्या विविध भागांत पदनियुक्त्या जाहीर करण्यात आल्या आहेत. शिवसेना डॉक्टर सेल महाराष्ट्र प्रदेश संघटक डॉ. अमोल आंबेकर यांच्या हस्ते चेंबूरमधील शिवसेना जनसंपर्क कार्यालयात लोकसभा प्रमुख, विधानसभा प्रमुख, विभागप्रमुख अशा शिवसेना डॉक्टर सेलच्या नियुक्त्या करण्यात आल्या. दक्षिण मध्य मुंबई लोकसभा प्रमुखपदी डॉ. अमित सतीश पाटील, मुंबई उत्तर पूर्व लोकसभा प्रमुख डॉ. सुबोध गंगाराम बावदाने, चेंबूर विभागप्रमुख डॉ. अभय सुरेश म्हात्रे, चेंबूर विधानसभा प्रमुख डॉ. भूषण चंद्रकांत भोळे, चेंबूर आयुक्त होमिओपॅथी विभागप्रमुख डॉ. हितेश व्होरा, कुर्ला विभागप्रमुख डॉ. सुशांत गावंडे, विधानसभा प्रमुख डॉ. ओमप्रकाश गुर्जर, मानखुर्द शिवाजीनगर आयुष आयुर्वेद विभागप्रमुख डॉ. उमेश जयराम वडजे पाटील आदींची डॉक्टर सेलपदी नियुक्त्या करण्यात आल्या आहेत.