देवनार गाव मार्गावर खोदकाम
चेंबूर, ता. ५ (बातमीदार) ः गोवंडीतील देवनार गावात वीज केबल जोडणीसाठी मार्ग खोदून ठेवण्यात आला आहे. हा मार्ग बनविला नसल्याने त्याचा नागरिकांना नाहक त्रास सहन करावा लागत आहे. त्‍यामुळे लवकरात लवकर हा रस्‍ता पूर्ववत करावा, अशी मागणी नागरिकांनी केली आहे. गोवंडी येथील देवनार गाव हे मोठी लोकसंख्या असलेले गाव आहे. त्यामुळे या परिसरात सतत रहदारी असते. याबाबत नागरिकांनी वीज वितरण कंपनीसोबत पत्रव्यवहार केला आहे.