मुलुंडमध्ये महसूल सप्ताह साजरा
मुलुंड, ता. ९ (बातमीदार) ः महसूलमंत्री चंद्रशेखर बावनकुळे यांनी दिलेल्या निर्देशानुसार तसेच मुंबई उपनगर जिल्‍हाधिकारी यांच्या निर्देशानुसार १ ऑगस्ट ते ७ ऑगस्ट हा दौरा महसूल सप्ताह म्हणून साजरा करण्यात आला. त्‍यानुसार सोमवारी (ता. ४) छत्रपती शिवाजी महाराज स्व-अभियान राबवण्यात आले. मुलुंड तहसीलदार कार्यालयाकडून तालुक्यातील एकूण ११ ठिकाणी विविध दाखल्यांचे शिबिर घेण्यात आले. या शिबिरासाठी तब्बल १ हजार ४८७ नागरिकांनी अर्ज सादर केले. मुलुंड, कुर्ला चेंबूर, पवई मंडळ अधिकारी, ग्राम महसूल अधिकारी यांनी चोख कामगिरी बजावली. सर्व तलाठ्यांमार्फत घरोघरी भेटी देऊन संजय गांधी योजना व श्रावणबाळ योजनेसाठी आधार कार्ड बँक खात्याशी संलग्न केल्याबाबतची पडताळणी करण्यात आली.