ओरिएंटल लॉ कॉलेजमध्ये ग्रंथपाल दिन उत्साहात
नेरूळ, ता.१२ (बातमीदार) ः ओरिएंटल कॉलेज ऑफ लॉ सानपाडा येथील ग्रंथपाल दिन मोठ्या उत्साहात साजरा करण्यात आला. या कार्यक्रमाला प्राचार्य डॉ. गोधर्न देवनानी, उपप्राचार्य युतीका सावंत, ग्रंथपाल कल्पना सुशांत गायकवाड, ग्रंथपाल समिती सदस्य मानसी अशर यांची प्रमुख उपस्थिती होती.
कार्यक्रमाची सुरुवात दीपप्रज्वलाने झाली. कार्यक्रमाचे सूत्रसंचालन विद्यार्थी जॉन यांनी उत्कृष्टरित्या पार पाडले तर आभार प्रदर्शन अनिशा कुळे यांनी केले. यावेळी विद्यार्थ्यांसाठी विविध स्पर्धांचे आयोजन करण्यात आले होते. त्यामध्ये भाषण स्पर्धा, सामान्य ज्ञान प्रश्नमंजुषा आणि एक आश्चर्यकारक स्पर्धेचा समावेश होता. विद्यार्थ्यांनी या सर्व स्पर्धांमध्ये उत्स्फूर्तपणे सहभाग घेतला.
ग्रंथपाल कल्पना गायकवाड यांनी ग्रंथालयाच्या कार्यप्रणाली आणि त्याच्या महत्त्वावर प्रकाश टाकला. यावेळी बोलताना प्राचार्य डॉ.देवनानी यांनी ग्रंथालयाचे शैक्षणिक क्षेत्रातील मोलाचे योगदान अधोरेखित केले.