पावसाळी क्रिकेट स्पर्धेला उदंड प्रतिसाद

रोहा, ता. १३ (बातमीदार) ः तालुक्यातील शिव छत्रपती क्रिकेट असोसिएशन धामणसई पंचक्रोशी यांच्या वतीने रविवारी (ता. १०) मुठवली खु. येथील मैदानावर पावसाळी क्रिकेट सामन्याचे आयोजन करण्यात आले होते. या स्पर्धेला नागरिकांचा मोठा प्रतिसाद मिळाला.
महेश तुपकर यांच्या हस्ते स्पर्धेचे उद्‍घाटन करण्यात आले. या वेळी चंद्रकांत शिंदे, सतीश ठाकूर, सुरेश शिंदे, राजा शेळके, निखिल सानप, धनराज शिंदे, अनिकेत शेळके, सुनील शेळके, शंकर कदम आणि क्रिकेटप्रेमी उपस्थित होते. या विभागात पहिल्यांदाच अशाप्रकारचे पावसाळी क्रिकेट सामने भरविण्यात आल्याने सर्वांचीच उत्सुकता होती. सामने पाहण्यासाठी मोठ्या संख्येने क्रिकेटप्रेमी नागरिकांनी गर्दी केली होती. स्पर्धेत यशस्वी ठरलेले संघ व खेळाडू यांना उपस्थित मान्यवरांच्या हस्ते पारितोषिके देऊन गौरविण्यात आले.

फोटो कॅप्शन
रोहा ः पावसाळी किकेट स्पर्धेचे उदघाट्न महेश तुपकर यांच्या हस्ते झाले.