दोघा बांगलादेशींना माणगावातून पकडले
माणगाव, ता. १४ (बातमीदार)ः इंदापूर गावातून दोघा बांगलादेशींना पकडण्यात आले आहे. अलिबाग दहशतवादी विरोधी पथकाने विभागाने हद्दीत बुधवारी (ता. १३) ही कारवाई केली.
मौजे इंदापूर येथील दळवी चाळीच्या जवळ बांगलादेशी नागरिक येणार असल्याबाबतची माहिती पथकाला मिळाली होती. या माहितीच्या आधारे माजिदा बेगम मोहम्मद जहांगीर आलम (वय-३८), रसेल मोहम्मद फारूक हुसेन, (वय -२९) दोघेही राहणार बांगलादेश यांना पकडले. दोघांकडे देशात राहण्याचे पारपत्र नसल्याने त्यांना हद्दपार करण्यात येणार आहे.