प्रभादेवीत चिमुकल्यांनी फोडली दहीहंडी
प्रभादेवी, ता. १४ (बातमीदार) : श्रीकृष्णासारखा पेहराव, डोक्यात मोराचे पीस आणि हातात काठी घेत प्रभादेवीत चिमुकल्यांनी मोठ्या उत्साहाने छोट्या हंड्या फोडून श्रीकृष्ण जन्मोत्सव साजरा केला. लहान वयातच मुलांवर योग्य संस्कार व्हावेत, त्यांना आपल्या सणांची माहिती व्हावी, यासाठी येथील एक्स्टेंडर्झ शाळेत दहीहंडीचे आयोजन करण्यात आले होते. या वेळी एकूण ९० छोट्या हंड्या बांधण्यात आल्या होत्या.