मुंबई

कोपरखैरणेतील रुग्णालयांकडून अनधिकृत बांधकाम

CD

कोपरखैरणेतील रुग्णालयांकडून अनधिकृत बांधकाम
महापालिकेकडून नोटीस; रुग्ण सुरक्षेचा प्रश्न ऐरणीवर
तुर्भे, ता. १८ (बातमीदार) ः नेरूळमधील रुग्णालयाला लागलेल्या आगीच्या घटनेनंतर नवी मुंबईत रुग्णालयांच्या सुरक्षिततेचा मुद्दा पुन्हा एकदा चर्चेत आला आहे. अनेक रुग्णालये दाटीवाटीच्या जागेत नियमांची पायमल्ली करून सुरू असल्याचे उघड झाले आहे. त्यानुसार कोपरखैरणे परिसरातील काही नामांकित रुग्णालयांकडून अनधिकृत बांधकामे व परवानगीशिवाय जागांचा वापर केल्याचे महापालिकेच्या तपासात आढळून आले असून, संबंधित रुग्णालयांना अतिक्रमण विभागाकडून नोटिसा बजावण्यात आल्या आहेत.
कोपरखैरणे सेक्टर-१५ मधील जनकल्याण हॉस्पिटलकडून विनापरवानगी वाढीव बांधकाम करण्यात आल्याचे निष्पन्न झाले आहे. त्यांना थेट अनधिकृत बांधकामाची नोटीस बजावली गेली आहे. त्याचप्रमाणे सेक्टर-१७ मधील तेज वेदांत हॉस्पिटलने मंजूर नकाशाव्यतिरिक्त ओपन टेरेसचा वापर रुग्णालयासाठी केल्याचे समोर आले आहे. सेक्टर-१० मधील बेन्सिल हॉस्पिटल, वाशी येथे मंजूर नकाशा व परवानगीशिवाय तळमजल्याचा वापर रुग्णालयासाठी करण्यात येत असल्याचे आढळले. एवढेच नव्हे तर इमारतीच्या समोरील व मागील रिकाम्या जागेत ओपीडी सुरू असल्याचेही स्पष्ट झाले आहे.
याचप्रमाणे सेक्टर-१० मधील राजपाल हॉस्पिटलमध्येही मोठ्या प्रमाणावर फेरबदल केल्याचे निदर्शनास आले आहे. तळघरातील वातानुकूलित यंत्रणेसाठी असलेल्या जागेत ओपीडी सुरू करण्यात आली आहे, तर पहिल्या व दुसऱ्या मजल्यावरही अंतर्गत फेरफार करण्यात आले आहेत. शिवाय तिसऱ्या मजल्यावर अतिरिक्त खोली उभारण्यात आली आहे. या सर्व बाबी गंभीर मानून महापालिकेने या रुग्णालयाला नोटीस बजावली आहे.
...................
महापालिकेच्या मते अशा बेकायदेशीर बांधकामांमुळे आगीसारख्या आपत्कालीन प्रसंगात बाहेर पडण्याचे मार्ग अडवले जातात. परिणामी रुग्णांच्या जीवाला थेट धोका निर्माण होतो. हे रुग्णांच्या सुरक्षेशी खेळण्यासारखे असल्याचे स्पष्ट करून महापालिकेने सर्व रुग्णालयांना स्वतःहून अनधिकृत वापर थांबवण्याचे आणि बांधकाम हटवण्याचे आदेश दिले आहेत. तसेच यादी सार्वजनिक करून नागरिकांना पारदर्शक माहिती देण्यात आली आहे. या कारवाईनंतर कोपरखैरणे परिसरातील वैद्यकीय सुरक्षेच्या प्रश्नावर नवी मुंबईकरांचे लक्ष केंद्रित झाले आहे. रुग्णालये ही रुग्णांच्या आरोग्यासाठी असतात; मात्र नियमभंग करून सुरू असलेल्या अशा रुग्णालयांमुळे रुग्णांचे प्राण धोक्यात येऊ नयेत, यासाठी कठोर उपाययोजना करण्याची गरज असल्याचे मत नागरिक व्यक्त करत आहेत.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Subhanshu Shukla meet PM Modi : शुभांशू शुक्ला यांनी पंतप्रधान मोदींना दिली ‘ती’ खास भेटवस्तू ; जाणून घ्या, मोदी काय म्हणाले?

Nanded Rain : मुखेडमध्ये ३०० जणांना वाचविले; नांदेडमध्ये पावसाचा धुमाकूळ, ९ जण बेपत्ता, म्हशींसह ७० जनावरे गेली वाहून

Eleventh Admission : अकरावीच्या ‘सर्वांसाठी खुल्या’ फेरीअंतर्गत प्रवेशासाठी २२ ऑगस्टपर्यंत मुदतवाढ

Pune News : नेत्यांची वेळ न मिळाल्याने पुण्यातील उड्डाणपुलांचे उद्‍घाटन रखडले

इतिहासाची अमूल्य खुण भारतात! इतिहासाशी पुन्हा जोडणारा क्षण, मुख्यमंत्री फडणवीसांची भावनिक प्रतिक्रिया

SCROLL FOR NEXT