मुरबाड, ता. १९ (बातमीदार) : मुरबाड तालुक्यात मागील वर्षापेक्षा जास्त ११२.९७ टक्के पाऊस पडल्याची नोंद झाली आहे. गेले दोन-तीन दिवस पावसाची संततधार चालू आहे.
मंगळवारी (ता. १९) झालेल्या पावसाची नोंद १११ मिलिमीटर करण्यात आली. यावर्षी तालुक्यात १९ ऑगस्टपर्यंत एकूण २६९३.५ मिमी पाऊस पडला आहे. मागील वर्षी २३८४.३ मिमी पावसाची नोंद झाली होती. दोन दिवसांपासून पावसाच्या संततधारेमुळे सूर्यदर्शन झालेले नाही. तालुक्यात भातपिकावर काही ठिकाणी बगळ्या रोग पडल्याचे दिसत होते. पावसामुळे हा रोग निघून जाण्याची शक्यता वाढली आहे.