मानवी वस्तीत सापांचा वावर
सततच्या पावसामुळे बिळांमध्ये पाणी
उरण, ता. २० (वार्ताहर)ः तालुक्यात सतत पाऊस पडत दिवसात मानवी वस्तीत घराजवळ, रस्त्यावर विविध जातीचे साप आढळून येत आहेत. सततच्या पावसामुळे जमिनीतील बिळांमध्ये पाणी गेल्याने अन्नाच्या शोधात, सुरक्षित जागा शोधत साप बाहेर पडत आहेत.
पावसाळा सुरू होण्याच्या काळात बऱ्याच जातींच्या सापांचा प्रजननकाळ असतो. बिळामध्ये पाणी साचत असल्याने बचावासाठी सुरक्षित जागेच्या शोधात असतात. त्यामुळे जून-ऑगस्ट कालावधीत मानवी वस्तीत सापांचा वावर असतो. उरण परिसर डोंगर तसेच समुद्रकिनाऱ्यामुळे विविध प्रजातींच्या सापांचा वावर आहे. अशातच पावसाची संततधार सुरू असल्याने बिळात पाणी साचत असल्याने सुरक्षित राहण्यासाठी, अन्नाच्या शोधात मानवी वस्तीत दिसून येत आहेत. त्यामुळे खबरदारीच्या उपाययोजना करण्याचे आवाहन वन्यजीव निसर्ग संवर्धन संस्थेकडून करण्यात येत आहे.