स्नेहवर्धिनीतर्फे ‘अंनिस’चे व्याख्यान
पेण, ता. २३ (बातमीदार) : वरसे गावात आदिवासी समाजासाठी स्नेहवर्धिनी सामाजिक संस्थेतर्फे विशेष कार्यक्रमाचे आयोजन करण्यात आले होते. महाराष्ट्र अंधश्रद्धा निर्मूलन समितीतर्फे चमत्कारी विज्ञान व बुवाबाजी याविषयी संदेश गायकवाड माहिती देण्यात आली. या वेळी बाबा-बुवा मांत्रिक भगत म्हणून कसे फसवतात, याचेही प्रात्यक्षिक करून दाखविण्यात आले. या वेळी अंधश्रद्धा निर्मूलन समितीचे रायगड जिल्हा अध्यक्ष विवेक सुभे यांनी मार्गदर्शन केले. या वेळी कवी श्रीनिवास गडकरी, नंदकिशोर राक्षे आदी उपस्थित होते.