गणेशभक्तांचा परतीचा प्रवास सुखकर
रोह्यात तुतारी, पेणमध्ये सिंधदुर्ग एक्स्प्रेसला थांबा
रोहा, ता. ४ (बातमीदार)ः रोह्यामध्ये दादर-सावंतवाडी (तुतारी एक्स्प्रेस) तर दिवा-सावंतवाडीला (सिंधुदुर्ग एक्स्प्रेस) पेणमध्ये बुधवारपासून थांबा देण्यात आला आहे. या निर्णयामुळे रायगडसह कोकणातील हजारो गणेशभक्तांचा परतीचा प्रवास सुखकर होणार आहे.
कोरोनाकाळामध्ये तुतारी एक्स्प्रेसचा रोह्यातील तसेच सिंधुदुर्ग एक्स्प्रेसचा पेणमधील थांबा रद्द करण्यात आला होता. त्यामुळे चाकरमानी, व्यापारी, अन्य प्रवाशांना विविध अडचणींना सामना करावा लागत होता. हा थांबा पूर्ववत करण्यात यावा, अशी मागणी प्रवासी संघटनांकडून रेल्वे प्रशासनाकडे वारंवार केली जात होती. अनेकवेळा आंदोलनाचा इशारा देण्यात आला. अखेर बुधवारी (ता. ३) दोन्ही गाड्यांचे थांबे पूर्ववत करण्यात आले आहेत. त्यामुळे व्यावसायिक, विद्यार्थी तसेच नोकरदारांच्या दृष्टीने हा निर्णय अतिशय महत्त्वाचा ठरणार आहे.
----------------------------------------
पाच वर्षांची प्रतीक्षा
थांबे रद्द केल्यामुळे पाच वर्षे प्रवाशांना विविध अडथळ्यांना सामोरे जावे लागले; पण आता दोन्ही गाड्यांना थांबा मिळाल्याने गणपतीसाठी कोकणात गेलेल्यांचा परतीचा प्रवास सुखकर झाला आहे. तसेच या निर्णयामुळे पर्यटनाला चालना मिळणार असून रोजगार निर्मिती होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.