कल्याण येथे संविधान जनजागृती प्रशिक्षण शिबिर
कल्याण, ता. ४ (वार्ताहर) : कल्याण येथील ग्लोबल व्हिजन चर्च येथे विशाल दामले यांच्या अध्यक्षतेखाली संविधान जनजागृती प्रशिक्षण शिबिर आयोजित केले होते. या शिबिरात महाराष्ट्रातील विविध भागांतून आलेले सुमारे १५० हून अधिक देवाचे सेवक सहभागी झाले. याप्रसंगी संविधान अभ्यासक नूरखाँ पठाण (महाड) यांनी संविधान विषयावर सखोल मार्गदर्शन केले. दुसऱ्या सत्रात संस्थेचे अध्यक्ष विशाल दामले यांनी संविधान जागृतीचे महत्त्व स्पष्ट केले. तसेच अशा प्रकारचे उपक्रम नियमित राबविण्याचे आश्वासन दिले. कार्यक्रमाच्या यशस्वी आयोजनासाठी मराठी-ख्रिस्ती सामाजिक संस्था पास्टर आशीष मोरे (व्यवस्था), प्रवीण गुंजाळ (सूत्रसंचालन), मोनिका दामले व महिला अध्यक्ष राजेश्री भालेराव, संदीप कांबळे व त्यांची टीम यांचे विशेष योगदान राहिले. या कार्यक्रमाचे प्रास्ताविक व आभार प्रदर्शन दिनेश वाघचौरे (उपाध्यक्ष) यांनी केले.