तारापूर (बातमीदार) : तारापूर औद्योगिक क्षेत्रातील एका कारखान्यामधील औद्योगिक घनकचऱ्याची सरावली खाडी परिसरात बेकायदा विल्हेवाट लावण्याचा प्रयत्न केल्याप्रकरणी दोन जणांवर बोईसर पोलिस ठाण्यात गुन्हा नोंद करण्यात आला आहे. सरावली खाडी परिसरातील पंचाळी स्मशानभूमीजवळ औद्योगिक घनकचरा बेकायदा टाकण्यात आला होता. याप्रकरणी बोईसर पोलिसांनी चौकशी करून तारापूर औद्योगिक क्षेत्रातील प्लॉट क्रमांक ४ वरील स्टॅंडर्ड ग्रिसेस ॲण्ड गिअर स्पेशालिस्ट प्रायव्हेट लिमिटेड या कारखान्याचा पर्यवेक्षक भावेश उपेंद्र सिंग आणि आशीष उपेंद्र मिश्रा यांच्याविरोधात बोईसर पोलिस ठाण्यात गुन्हा नोंद करण्यात आला आहे.