राष्ट्रीय सेवा स्वयंसेवकांचा वाहतूक नियंत्रण उपक्रमात सहभाग
ठाणे, ता. ७ (बातमीदार) : अनंत चतुर्दशीच्या दिवशी गणपती विसर्जनाच्या निमित्ताने‌ शारदा एज्युकेशन सोसायटी संस्थेच्या आनंद विश्व गुरुकुल महाविद्यालयातील राष्ट्रीय सेवा योजनेच्या स्वयंसेवकांनी वाहतूक नियंत्रण उपक्रमात सहभाग घेतला. या स्वयंसेवकांनी शनिवार (ता. ६) वागळे इस्टेट पोलिस ठाण्यामधील पोलिसांना सहकार्य केले.
राष्ट्रीय सेवा योजना पथकाचे कार्यक्रम अधिकारी प्रा. सागर जाधव, प्रा.‌ संजना भाबळ व सहकार्यक्रम अधिकारी प्रा. आशा जाधव यांच्या नेतृत्वात व मार्गदर्शनाने रायलादेवी तलाव, एमआयडीसी, वागळे इस्टेट, ठाणे (प.) या परिसरात हे कार्य पार पाडले. संस्थेच्या सदस्या व ज्येष्ठ रात्र महाविद्यालयाच्या प्राचार्या डॉ. हर्षाला लिखिते, प्रा. आदित्य पेंडसे, महेंद्र मालपोटे यांनी उपस्थित राहून सर्व स्वयंसेवकांचा उत्साह वाढविला. या सहकार्याबद्दल वागळे इस्टेट पोलिस ठाण्याच्या‌ पोलिसांनी राष्ट्रीय सेवा योजनेच्या सर्व स्वयंसेवकांचे कौतुक केले.