माॅन्सून परतीच्या वाटेवर
किन्हवली, ता. ११ (बातमीदार) : अतिवृष्टीनंतर पावसाचे प्रमाण काहीसे कमी झाले आहे. गेल्या चार-पाच दिवसांपासून वातावरणात मोठा बदल जाणवत आहे. पावसाने विश्रांती घेतली असली तरी दिवसभर प्रचंड उष्णता असून, मध्यरात्रीनंतर सकाळी ७ वाजेपर्यंत दाट धुके पडत आहे, ज्यामुळे मॉन्सून परत येण्याच्या शक्यतेचा अंदाज शेतकरी व हवामानतज्ज्ञ करत आहेत.
सकाळी धुक्यामुळे वातावरणात थंडावा आणि आल्हाददायकता जाणवते. त्यामुळे मॉर्निंग वॉक किंवा जॉगिंग करणाऱ्या नागरिकांमध्ये आनंदाचे वातावरण आहे. दवबिंदूंचा भात (पीक)वर थेट नकारात्मक परिणाम होत नाही; उलट दवबिंदू पिकांच्या आरोग्यासाठी आवश्यक असलेल्या आर्द्रतेचा भाग असतात, मात्र दवबिंदूांमुळे पानांवर ओलावा टिकून राहतो आणि त्यामुळे बुरशीजन्य रोगांचा प्रादुर्भाव होण्याची भीती निर्माण होते. अतिवृष्टीनंतर चार-पाच दिवसांपासून पावसाने थांबले असले तरी, सकाळी पडणाऱ्या धुक्यामुळे पावसाच्या परतीची शक्यता वाढत असल्याचे शेतकरी सांगतात.